«Հայաստան» խմբակցութեան պատգամաւորները հանդիպել են Հայաստանում ԵՄ պատւիրակութեան ղեկավարի հետ
ԱԺ «Հայաստան» խմբակցութեան ղեկավար Աննա Գրիգորեանը եւ խմբակցութեան քարտուղար Արթուր Խաչատրեանը հոկտեմբերի 12-ին հանդիպել են Հայաստանում ԵՄ պատւիրակութեան ղեկավար, արտակարգ եւ լիազօր դեսպան Վասիլիս Մարագոսի հետ։
Քննարկւել են երկկողմ յարաբերութիւններին ու տարբեր ոլորտներում համագործակցութեանն առնչւող հարցեր։ Կարեւորւել է նորընտիր խորհրդարանի հետ գործակցութիւնը։
Աննա Գրիգորեանն իր դիտարկումներն է ներկայացրել Հայաստանում ժողովրդավարական իրավիճակի, դատական համակարգում առկայ խնդիրների ու, իր խօսքով, քաղաքական դրդապատճառներով կալանաւորման դէպքերի վերաբերեալ։ ԱԺ պատգամաւորները նաեւ խօսել են խորհրդարանական ընտրութիւններից յետոյ տեղի ունեցած գործընթացներից։
Հանդիպմանն անդրադարձ է կատարւել Հայաստանի եւ Ադրբեջանի միջեւ յարաբերութունների կարգաւորմանը։ Վասիլիս Մարագոսը նշել է, որ ԵՄ-ն ակտիւ ներգրաււածութիւն ունի տարածաշրջանում եւ աջակցում է խաղաղութեան հաստատման գործընթացին։
Խմբակցութեան ներկայացուցիչները կարեւորել են Եւրոպական խորհրդարանի ընդունած բանաձեւը, որով կոչ է արւում նաեւ անյապաղ ազատ արձակել Ադրբեջանում պահւող հայ բանտարկեալներին։
