Հայաստան - Արցախ
Տաթեւիկ Հայրապետեան. «Ադրբեջանը շարունակելու է պահանջների ցուցակ հրամցնել, ՀՀ-ն էլ աւելացնում է ներառւած պահանջների թիւը»
Ադրբեջանագէտ Տաթեւիկ Հայրապետեանը գրել է.
««Վարչապետին, ով իր նախկին յայտարարութիւններում նշել էր, որ նման 32 գիւղ կայ, ցանկանում ենք յիշեցնել, որ Հայաստանը պարտաւորութիւններ ունի վերադարձնել Ադրբեջանի ութ գիւղերը», նման բովանդակութեամբ յայտարարութիւն է տարածել Ադրբեջանի ԱԳՆ-ն։
Սա եւս մէկ անգամ ցոյց է տալիս, որ Ադրբեջանը շարունակելու է պահանջների ցուցակ հրամցնել, Հայաստանն էլ միակողմանի զիջումներով միայն աւելացնում է ցուցակում ներառւած պահանջների թիւը։ Մինչդեռ այս ամէնը կարելի է կանխել, փոխել ու շրջել ընդդէմ Ադրբեջանի, դրա համար պէտք է ունենալ յստակ տեսլական, ռազմավարութիւն ու դա իրագործող պետականամէտ ու պրոֆեսիոնալ կառավարութիւն»։
