Հրանտ Մելիք-Շահնազարեան. «Փաշինեանն ասում է, որ Ուկրաինայի հարցում ՌԴ դաշնակիցը չէ, Մոսկւան էլ կասի ՀՀ դաշնակիցը չէ Ադրբեջանի դէմ պատերազմում»
![](/wp-content/uploads/2024/03/hrand-20240303-780x470.jpg)
Փաշինեանն ասում է, որ Ուկրաինայի հարցում ՌԴ դաշնակիցը չէ, Մոսկւան էլ կասի ՀՀ դաշնակիցը չէ Ադրբեջանի դէմ պատերազմում։
«Կիզակէտում Արկադի Գրիգորեանի հետ» հաղորդման ժամանակ ասել է քաղաքագէտ Հրանտ Մելիք-Շահնազարեանը․
«Մտավախութիւն ունեմ, որ ռուսական կողմը կը դրդի Բաքւին տարածաշրջանում հարցերը լուծել ինչպէս ՌԴ-ին է ձեռնտու։ Խօսքը միջանցքի ու դրա ռուսական վերահսկողութեան մասին է։ Ալիեւը վերջին ամիսներին այս հարցում խօսում է Ռուսաստանի շահերից։
Հայաստանին ուշքի բերելու՝ ՌԴ եւ Իրանի գործիքները ցաւոտ են լինելու, ընդհուպ Բաքւի յարձակում։ Փաշինեանն, իր հերթին, լեգիտիմ իրաւունք է տալիս ՌԴ-ին չմիջամտել Հայաստանի դէմ հնարաւոր պատերազմին։ Ռուսներն իրենց անգործութիւնը հիմնաւորում են Փաշինեանի վարքագծով։ Ասելով գուբեռնիա չենք, իշխանութիւնները Հայաստանը տանում են ուղիղ գուբեռնիա դառնալու ուղղութեամբ»,- նշել է քաղաքագէտը։