Արթուր Խաչատրեան. «Ադրբեջանը հիմա Խոջալուից է խօսում՝ լրացուցիչ զիջումներ կորզելու համար, յետոյ պարտադրելու է որոշ մարդկանց յանձնել միջազգային դատարան, կամ՝ իրենց»

«ԱԼԻՔ» –  Ադրբեջանի պատկերացրած խաղաղութիւնը Հայաստանի անվերապահ կապիտուլեացիան է: Այս մասին Tert.am-ի հետ զրոյցում յայտնել է ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Արթուր Խաչատրեանը:

«Ադրբեջանը բազմաթիւ անգամներ շեշտել է՝ խաղաղութիւնը պէտք է հաստատւի ադրբեջանական պայմաններով: Խաղաղութիւնն իրենց համար Հայաստանը ստրկացնելու միջոց է»,- նշել է նա:

Արթուր Խաչատրեանը շեշտել է՝ առանց միջնորդ բանակցութիւններն Ադրբեջանի պահանջն է: Երրորդ կողմեր պէտք է չխառնւեն:

Ադրբեջանի ախորժակը գնալով մեծանում է, հիմա Խոջալուի «ցեղասպանութեան» մասին է խօսում՝ լրացուցիչ զիջումներ կորզելու նպատակով»,- յայտնել է պատգամաւորը:

Արթուր Խաչատրեանն ընգծել է՝ ՔՊ-ում իհարկէ կուզէին, որ որեւէ մէկը չհետեւէր թշնամու յայտարարութիւններին, որպէսզի իրենք կարողանային շարունակ խաբել եւ թմբիրի մէջ պահել ժողովրդին:

«Այդ ամէնն անել Perfect TV-ի ոճով՝ Փաշինեանն առիւծի նման մռնչաց եւ Ալիեւը գնաց պամպերսը փոխելու: Իրականութիւնը լրիւ այլ է՝ Ադրբեջանը պարտադրելու է որոշ մարդկանց յանձնել միջազգային դատարան կամ իրենց յանձնել:

Այսօրւայ իշխանութիւնները ցոյց են տալիս, որ պատրաստ են գնալ ցանկացած զիջման իշխանութիւն պահելու համար»,- շեշտել է Խաչատրեանը: