Հերմոնի վանք վանական համալիրի տարածքում պեղումների ժամանակ գտնւել են խաչքարերի, արձանագիր սրբատաշ բեկորների կտորներ

Յուլիսի 18-ից հետախուզական պեղումներ են մեկնարկել  ՀՀ Վայոց ձորի մարզի Եղեգիս գետի ձորալանջին գտնւող Հերմոնի վանք վանական համալիրի տարածքում։ Պեղումներն իրականացնում է «Պատմամշակութային ժառանգութեան գիտահետազօտական կենտրոն» ՊՈԱԿ-ի արշաւախումբը (արշաւախմբի պետ՝ Մերի Սաֆարեան)։

ՊՈԱԿ-ից յայտնում են, որ աշխատանքներն ընթանում են 16-17-րդ դդ. կառուցւած Ս. Գրիգոր Լուսաւորիչ կիսաւէր եկեղեցու արեւելեան հատւածում։

Քարահողային լիցքի մաքրման արդիւնքում արդէն իսկ գտնւել են խաչքարերի, արձանագիր սրբատաշ բեկորներ, ծածկասալերի կտորներ։

Պեղումներն ընթացքի մէջ են՝ նորանոր բացայայտումների ակնկալիքով։

Panorama.am