Բագրատ Սրբազան. «Սեպտեմբերին իրականանալու է այն, ինչ ձեր մտքերի մէջ կար մայիսի 9-ին»
«ԱԼԻՔ» – Սրբազան պայքարի առաջնորդ Բագրատ Սրբազանը երէկ՝ օգոստոսի 14-ին, հանդիպել է Երեւանի «Երազ» թաղամասի բնակիչների հետ:
Իր ելոյթում Բագրատ Սրբազանը վստահեցրել է, որ շարժումը ինչ-որ նախատեսել է, կամաց կամաց, քայլ առ քայլ, փուռ առ փուլ իրականացնելու է:
«Ես գիտեմ, թէ ձեր մտքերի մէջ ինչ կար մայիսի 9-ին, եւ դա էլ լինելու է հէնց այն ժամանակ, երբ մենք հաւաքւենք սեպտեմբերին: Այս պայքարը ճշմարտութիւնը վերականգնելու մասին է, մեր տունը վերականգնելու մասին է, մեր Արցախ աշխարհ վերադառնալու մասին է: մեր մտայնութիւնն այն է, որ Արցախի մեր հայրենակիցները պէտք է վերադառնան իրենց տուն, իրենց գերեզմանները: Այո, մենք պէտք է վերադարձ ունենանք Արցախ եւ դա շատ իրականանալի է»,- ասել է Բագրատ Սրբազանը՝ յաւելելով. «Օր առաջ այս մարդուն իր որդիներով հանդերձ պէտք է հեռացնենք, քանի որ ինքը հեռանալու տրամադրութիւն չունի, որովհետեւ փողի եւ պաշտօնի վրայ նստած մարդ է։
Նեռի եւ նրա գործակալների գոյութեան իւրաքանչիւր օրը աղէտ է, թէ՛ իրաւական, թէ՛ քաղաքական, թէ՛ հոգեւոր ու բարոյական իմաստներով»:
