Հայաստան - Արցախ
Արցախի թեմի առաջնորդ. «Անկախութեան հասնելը իւրատեսակ պայքար է, հայի համար ամէնից վեր անկախ ապրելն է»
«ԱԼԻՔ» – Անկախութիւնն ու անկախութեան հասնելը իւրատեսակ պայքար է, պատւաբեր պայքար է, անմահութիւն է։ Այս մասին ՀՀ Անկախութեան հռչակագրի 34-րդ տարեդարձին նւիրւած հաւաքի ժամանակ յայտարարել է Արցախի թեմի առաջնորդ Տէր Վրթանէս եպս. Աբրահամեանը:
«Անկախութիւնը ձեռք բերելը դժւարագին ճանապարհ է, բայց եռակի անգամ դժւար է այն պահելը։ Այս առումով, պատիւ է բոլոր նրանց համար, ովքեր այդ անկախութեան ճանապարհին ոչ միայն կարողացան փայլուն կերպով իրականացնել բոլոր այն ծրագրերը, որոնք միտւած էին ունենալու անկախութիւն, նաեւ զոհւեցին յանուն այդ անկախութեան, որովհետեւ հայի համար ամէն ինչից եւ ամէնից վեր անկախ ապրելն է։
Երբ նայում ենք այս 34 տարւայ գիծը, հասկանում ենք՝ պատւով են կատարել մեր տղաները եւ դուք որ այստեղ նստած էք»,- ասել է նա:
