Տիգրան Աբրահամեան. «Երկիրը վերջնական կազմալուծման տանելու ճանապարհին իշխանութիւնը փորձելու է թաղել Անկախութեան հռչակագիրը»
«ԱԼԻՔ» – «Երկիրը բարոյալքման, հասարակական պառակտման եւ վերջնական կազմալուծման տանելու ճանապարհին իշխանութիւնը փորձելու է թաղել անկախութեան հռչակագիրը»: Այս մասին նա իր ֆէյսբուքեան էջում գրել է.
«Նպատակը զուտ փաստաթղթային սրբագրում կամ խմբագրում անելը չէ, սա գաղափարական բաժանման խաչմերուկ է, որի մի կողմում արժէքներ են, պատմական իրողութիւններ, ազգային դիմադրութիւն, հասարակական կենսունակութիւն, պետականութեան ուղենիշներ եւ նպատակներ, իսկ միւս կողմում` դատարկութիւն, ոչնչութիւն, անարժանապատւութիւն, ազգային արմատների չորացում, արժէքային անապատացում եւ պարզապէս դաւաճանութիւն:
Իշխանութիւնը սա արել է նպատակային` ելնելով իր գաղափարական համոզմունքներով:
Սրանց կանգնացնելու համար նախ պէտք է իշխանութեանը ջախջախել գաղափարապէս, հասարակութեան գիտակցութեանը հասցնելով դրա անհրաժեշտութիւնն ու դիմադրութեան կարեւորութիւնը, այնուհետեւ անցնել ծրագրային գերակայութեանը»:
