Ե՛ւ Փաշինեանը, ե՛ւ Ալիեւը շահագրգռւած են, որ աշխարհը չճանաչի Ադրբեջանի յանցագործութիւնը որպէս էթնիկ զտում
Այսօր Նիկոլ Փաշինեանի անձնական շահը համապատասխանում է Ադրբեջանի պետական շահի հետ: Այս մասին, երէկ՝ հոկտեմբերի 9-ին, Գլխաւոր դատախազութեան առջեւ ընթացող Սրբազան շարժման հաւաքի ժամանակ յայտարարել է ՀՅԴ անդամ, ԱԺ «Հայաստան» խմբակցութեան պատգամաւոր Արթուր Խաչատրեանը:
«Եւ Նիկոլ Փաշինեանը եւ իր կառուցողական գործընկեր Ալիեւը շահագրգռւած են, որ աշխարհը չճանաչի Ադրբեջանի յանցագործութիւնները՝ որպէս էթնիկ զտում եւ որպէս ցեղասպանութիւն:
Եւ ահա դա է պատճառը թէ ինչու ենք մենք ասում, որ Նիկոլ Փաշինեանը պէտք է հեռացւի, որովհետեւ ինքը վտանգ է մեր պետութեան համար, որովհետեւ իր շահերը եւ մեր ազգային շահերը իրարից տարամիտում են: Նիկոլ Փաշինեանը մեր պետականութեան հակառակորդն է»,-յայտարարեց Արթուր Խաչատրեանը:
Վերջում Խաչատրեանն աւելացրեց, որ Նիկոլ Փաշինեանի հեռացումը բխում է Հայոց պետականութեան եւ ի սփիւռս աշխարհի հայութեան շահերից։
Ուստի Փաշինեանը պէտք է հեռանայ եւ իր դէմ պէտք է քրէական վարոյթ նախաձեռնւի:
