Մովսէս Յակոբեան. «Սասուն Միքայէլեանն ուրիշ բան ասել չի կարող. ես անկախ պետութիւնում եմ ծառայել»

2018 թւականի թաւշեայ իրողութիւններն Արցախեան ազատագրական պայքարից առաւել կարեւորող, «Երկրապահ» կամաւորական միութեան նախագահ, ՔՊ-ական Սասուն Միքայէլեանը, իր՝ «երկիրը պահողի» առաքելութեանը հակասող հերթական յայտարարութիւնն է արել։

ՀՀ ԶՈՒ գլխաւոր շտաբի նախկին պետ, նախկին գլխաւոր ռազմական տեսուչ, գեներալ-գնդապետ Մովսէս Յակոբեանը 168․am-ի հետ զրոյցում անդրադառնալով այս յայտարարութիւններին՝ շեշտեց, որ Սասուն Միքայէլեանի դէպքում այս յայտարարութիւնները սպասելի էին։

«Սասուն Միքայէլեանի կողմից ադեկւատ են. ինքն ուրիշ բան չի կարող ասել,- նկատեց ռազմական գործիչը, ապա անդրադառնալով յստակեցմանը՝ սա հարւած չէ՞ սահմանը պահող զինւորի թիկունքին, արձագանգեց,- ի՞նչ կապ ունեն Սասուն Միքայէլեանն ու կռիւը, կամ բանակը»։

«Ֆորպոստ»-ի, «անկախ պետութիւն» չլինելու մասին ԵԿՄ նախագահի յայտարարութիւններին ի պատասխան էլ՝ Մովսէս Յակոբեանը հակիրճ յաւելեց․ «Ես անկախ պետութիւնում եմ ծառայել»։

Յիշեցնենք՝ Սասուն Միքայէլեանը, ոչ աւել, ոչ պակաս, պարգեւատրւել է ՀՀ «Արիութիւն» մեդալով» եւ ԼՂՀ «Մայրական երախտագիտութիւն Արցախի քաջորդիներին» յուշամեդալով։