Հայաստան - ԱրցախՄշակութային
Արցախցի նկարիչ Արծիւ Լալայեանի գեղանկարների ցուցահանդէսի բացումը՝ «Նարեկացի» արւեստի միութիւնում
«ԱԼԻՔ» – Երեւանի «Նարեկացի» արւեստի միութիւնում տեղի է ունեցել արցախցի նկարիչ Արծիւ Լալայեանի գեղանկարների ցուցահանդէսի բացումը: Տեղեկացնում է Yerkir.am-ը:
«Արծիւ Լալայեանի աշխատանքներն առանձնանում են մոդեռնիստական տարբեր ուղղութիւնների գեղարւեստական մօտեցումների համատեղութեամբ»,- բացման խօսքում նշել է «Նարեկացի» արւեստի միութեան ցուցահանդէսների համակարգող, արւեստաբան Տաթեւիկ Համբարձումեանը:
Արծիւ Լալայեանը ծնւել է Արցախի Հադրութի շրջանի Մեծ Թաղեր գիւղում։ Մասնակցել է բազմաթիւ խմբային ցուցահանդէսների Ստեփանակերտում, Շուշիում։
2022 թ. Երեւանում ունեցել է անհատական ցուցահանդէս։
Արծիւ Լալայեանն արցախեան ազատամարտի մասնակից է:
Նկարչի աշխատանքները «Նարեկացի» արւեստի միութիւնում կը ցուցադրւեն մինչեւ յունւարի 31-ը:
