Հայաստան - Արցախ
Արցախի ԱԺ պատգամաւոր. «Արցախի Հանրապետութեան լուծարման մասին հրամանագիրն իրաւական ուժ չունի. այն պէտք է չեղարկի նախագահ Շահրամանեանը, դա է ամենաճիշտ ճանապարհը»
Սամուէլ Շահրամանեանը խոստացել է չեղարկել սեպտեմբերի 28-ի՝ Արցախի Հանրապետութիւնը լուծարելու մասին հրամանագիրը։ Այդ ճանապարհն ամենաճիշտն է։ Այդ մասին «Փաստինֆօ»-ի հետ զրոյցում ասաց Արցախի խորհրդարանի ՀՅԴ խմբակցութեան քարտուղար Վահրամ Բալայեանը։
«Արցախի Հանրապետութեան լուծարման մասին հրամանագիրն իրաւական ուժ չունի, քանի որ Սահմանադրութեամբ նախագահին նման լիազօրութիւններ չեն վերապահւում։ Արցախի Հանրապետութիւնը կազմաւորւել է Արցախի ժողովրդի հանրաքւէի միջոցով եւ միայն ժողովուրդը կարող է լուծարել այն։ Նման իրաւասութիւն ոչ մէկին տրւած չէ՝ այդ թւում նախագահին»,- շեշտեց Բալայեանն ու յաւելեց՝ մինչեւ յունւարի 1-ը պէտք է չեղարկւի հրամանագիրը։
