Իրանագէտը` «ԱԼԻՔ»-ի հետ զրոյցում. «Կարեւոր է հայ-իրանական յարաբերութիւնների մէջ անվտանգային բաղադրիչը, նկատի առնելով Սիւնիքի շուրջ ստեղծւած իրավիճակը»

Թեհրանում կայացաւ Իրանի Իսլամական Հանրապետութեան եւ Հայաստանի Հանրապետութեան միջկառավարական համատեղ յանձնաժողովի 18-րդ նիստը, որի ընթացքում կարեւորւել է Հայաստան-Իրան բազմադարեայ յարաբերութիւնները նոր մակարդակի հասցնելու կարեւորութիւնը հիմնւած փոխադարձ վստահութեան, յարգանքի եւ անկեղծ բարեկամութեան վրայ: Ինչպէս է գնահատւում կայացած հանդիպումները իրանագէտ Գարիկ Միսակեանը «ԱԼԻՔ»-ի հետ զրոյցում մասնաւորապէս առանձնացրեց նախորդ՝ 2023 թւականին «Գազ-էլեկտրաէներգիայի դիմաց» ծրագրի երկարաձգման վերաբերեալ պայմանագրի ստորագրումը:

Նիստերին, որոնց ընթացքում անդրադարձ է կատարւել երկու երկրների միջեւ քաղաքական յարաբերութիւնների բարձր մակարդակին եւ առեւտրատնտեսական յարաբերութիւնների զարգացման համար առկայ մեծ ներուժին, իրանագէտը կարեւորեց փոխըմբռնման յուշագրերի ստորագրումը, որում արձանագրւել են Հայաստանի եւ Իրանի միջեւ համագործակցութեան փոխադարձ հետաքրքրութիւն ներկայացնող բոլոր ուղղութիւններում յարաբերութիւնների զարգացմանը միտւած պայմանաւորւածութիւններ:

«Ցանկացած հանդիպում, յատկապէս հայ-իրանական, ե՛ւ աշխարհաքաղաքական իրավիճակից ելնելով ե՛ւ տարածաշրջանի խնդիրներից ելնելով, մասնաւորապէս ՀՀ Սիւնիքի մարզի շուրջ ստեղծւած իրավիճակը նկատի առնելով բաւական կարեւոր է Հայաստանի համար, յատկապէս երբ խօսքը գնում է տնտեսական համագործակցութեանն Իրանի հետ, եւ ընդհանրապէս այդ յարաբերութիւնների մէջ չափազանց կարեւոր է անվտանգային բաղադրիչը»,- նշեց նա:

Միսակեանը նաեւ վստահեցրեց, որ աւելի դրական կը լինի եթէ հանդիպումներին յաջորդեն գործուն քայլերը Սիւնիքի մարզի ենթակառուցւածքները, հայ-իրանական առեւտրատնտեսական յարաբերութիւնների զարգացմանը օժանդակելու եւ համապատասխանեցնելու համար եւ ընդհանդրապէս հայ-իրանական առեւտրատնտեսական խնդիրները լուծելու ուղղութեամբ եւ հնարաւորութեան դէպքում հասցնելու 3 մլրդ. դոլարի շեմին, որի մասին մշտապէս խօսւում է:

Խօսելով հայ-իրանական յարաբերութիւնների ներկայ մակարդակի մասին Միսակեանը նշեց, որ մշտապէս դրական յայտարարութիւններ են հնչում, բայց նաեւ նկատւում է որոշակի յապաղումներ, որովհետեւ բաւականին շատ են խօսակցութիւնները, բայց բաւականին քիչ տեսանելի են գործընթացները, խօսւում է «Հիւսիս-Հարաւ» աւտոճանապարհի Սիւնիքի հատւածի շինարարութեան մեկնարկի մասին, բայց ժամկէտները, որոնց մասին խօսւում են բաւական երկար են:

Իրանագէտը շեշտեց, որ միջկառավարական յանձնաժողովի արդիւնքում ընդգծւել է նախորդ՝ 2023 թւականին «Գազ-էլեկտրաէներգիայի դիմաց» ծրագրի երկարաձգման վերաբերեալ պայմանագրի ստորագրումը եւ Ագարակ-Քաջարան 32 կմ. ճանապարհահատւածի շինարարութեան աշխատանքներում իրանական ընկերութիւնների ներգրաււածութիւնը:

Նա նաեւ նշեց, որ ցանկալի կը լինէր բոլոր ոլորտներում զարգացնել յարաբերութիւնները Իրանի հետ, յատկապէս, որ իրանական կողմից կան մշտապէս ազդակներ անվտանգային, ռազմական, քաղաքական մակարդակում յարաբերութիւնները էլ աւելի զարգացնելու համար:

Իրանագէտը յոյս յայտնեց, որ ընթացիկ տարում աւարտին կը հասցւեն Իրան-Հայաստան բարձրավոլտ էլեկտրահաղորդման երրորդ գծի շինարարական աշխատանքները:

Հարցազրոյցը՝ ՍԻՒՆԷ ՖԱՐՄԱՆԵԱՆԻ