«ԱԼԻՔ» – Երէկ՝ յուլիսի 26-ին, Իսլ. խորհրդարանի պատգամաւոր, խորհրդարանի ազգային անվտանգութեան եւ արտաքին քաղաքականութեան յանձնաժողովի անդամ Աբոլֆազլ Զոհրէ Վանդէն այցելեց «ԱԼԻՔ»:
Պատգամաւորին ընկերակցում էր, նրա գործընկեր՝ Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը:
Գլխաւոր խմբագիր Արամ Շահնազարեանի եւ «ԱԼԻՔ» օրաթերթի վարչութեան նախագահ Րաֆֆի Փիրումեանի հետ հանդիպման ժամանակ համապարփակ անդրադարձ եղաւ Իրանի դէմ սանձազերծւած 12-օրեայ պատերազմին, դրա հետեւանքներին եւ այդ խորապատկերում տարածաշրջանային հնարաւոր զարգացումներին: Յատուկ շեշտադրւեցին Հարւային Կովկասի իրադարձութիւնները, մասնաւորապէս «Զանգեզուրի միջանցք»-ի հետ կապւած զարգացումները, որոնք ոչ միայն սպառնում են ՀՀ ինքնիշախնութեանը, այլեւ լուրջ մարտահրաւէր են ուղղւած Իրանի ազգային անվտանգութեանը, տարածաշրջանային շահերին եւ տարածքային ամբողջականութեանը:
