Արամ Ա Կաթողիկոսը մասնակցել է քրիստոնէական միութեան աղօթքին
«ԱԼԻՔ» – Մեծի Տանն Կիլիկիոյ Ն.Ս.Օ.Տ.Տ. Արամ Ա կաթողիկոսը մասնակցել է քրիստոնէական միութեան աղօթքի շաբաթւան։ Այս մասին տեղեկացնում է Կաթողիկոսութեան մամուլի ծառայութիւնը։
«Համաքրիստոնէական միասնակամութիւնը ամրապնդելու եւ եկեղեցիներու միջեւ գործակցութիւնը առաւել զարգացնելու հեռանկարով, ամէն տարի յունւար ամսւան երրորդ շաբաթը կը յատկացւի քրիստոնէական միութեան աղօթքի:
Արդարեւ, շաբաթ, 18 յունւարի 2025-ի երեկոյեան ժամը 06։00-ին, Լիբանանի մէջ քրիստոնեաներու միութեան աղօթքի շաբթւան բացումը կատարւեցաւ, հիւրընկալութեամբ ասորի կաթոլիկ եկեղեցւոյ պետ Ն.Ա.Տ. Իգնատիոս Իւսէֆ Գ. Եունան Պատրիարքին՝ Բէյրութի պատրիարքարանի Սուրբ Իգնատիոս մայր տաճարին մէջ։ Բացման արարողութեան մասնակցեցաւ Ն.Ս.Օ.Տ.Տ. Արամ Ա Վեհափառ Հայրապետը, ընկերակցութեամբ Լիբանանի հայոց թեմի առաջնորդ Տ. Շահէ արք. Փանոսեանի եւ հոգեւոր հայրերու։ Յիշեալ արարողութեան իրենց մասնակցութիւնը բերին նաեւ մարոնիթ եկեղեցւոյ հոգեւոր պետ Ն.Ա.Տ. Պշարա Ռայի Պատրիարքը, յոյն կաթոլիկ եկեղեցւոյ պետ Ն.Ա.Տ. Եուսէֆ Ապսի Պատրիարքը, հայ կաթոլիկ եկեղեցւոյ պետ Ն.Ա.Գ.Տ.Տ. Ռաֆայէլ Պետրոս ԻԱ. հոգեւոր տէրը, համայնքներու առաջնորդներ, հոգեւորականներ եւ հաւատացեալներ։
Աղօթքի շաբթւան փակման արարողութիւնը կատարւեցաւ շաբաթ, 25 յունւարին, հայ աւետարանական առաջին եկեղեցւոյ մէջ՝ հանդիսապետութեամբ վերապատւելի Փօլ Եայտոսթեանին: Վեհափառ Հայրապետին օրհնութեամբ փակման արարողութեան մասնակցեցան Լիբանանի հայոց թեմի առաջնորդ Սրբազան Հայրը, «Կիլիկիա» թանգարանի տեսուչ Տ. Արտաւազդ վրդ. Շարոյեան եւ Կաթողիկոսարանի միջեկեղեցեական ու միջկրօնական յարաբերութեանց վարիչ Տ. Սարգիս վրդ. Աբրահամեան»,- ասւած է հրապարակաւած հաղորդագրութեան մէջ:
