Տիեզերագնացների ընդունած դեղամիջոցները, թերեւս, բաւականաչափ արդիւնաւէտ չլինեն դէպի Մարս եռամեայ ճանապարհորդութեան համար
Միջազգային տիեզերակայանում տիեզերագնացների օգտագործւելիք դեղամիջոցները կարող են բաւարար չլինել Մարս եռամեայ ճանապարհորդութեան համար:
Նոր ուսումնասիրութիւնը ցոյց է տալիս, որ տիեզերքում պահւող դեղերի կէսից աւելին՝ առաջին անհրաժեշտութեան դեղերը, ինչպիսին են ցաւազրկողները, հակաբիոտիկները, ալերգիայի դէմ դեղերը եւ քնաբերները, մինչեւ տիեզերագնացների Երկիր վերադառնալը կը սպառւեն:
Արդիւնքում, տիեզերագնացները կարող են վերջում օգտագործել անարդիւնաւէտ կամ նոյնիսկ վնասակար դեղամիջոցներ, ասւած է հետազօտութեան մէջ, որի արդիւնքները հրապարակւել են npj Microgravity – Nature հանդէսում:
Տիեզերքում դեղերի իրական կայունութիւնն ու արդիւնաւէտութիւնը Երկրի համեմատ մնում է հիմնականում անյայտ: Դժւար տիեզերական պայմանները, ներառեալ ճառագայթումը, կարող են նւազեցնել դեղերի արդիւնաւէտութիւնը:
Ջոն Հոփկինսի հիւանդանոցից հետազօտութեան հեղինակները նշել են, որ ժամկէտանց դեղամիջոցները կարող են խնդիր առաջացնել, քանի որ տիեզերական գործակալութիւնները երկարաժամկէտ առաքելութիւններ են ծրագրում դէպի Մարս եւ դրանից դուրս: Դիասը օգտագործել է Տեղեկատւութեան ազատութեան ակտի խնդրանքը տիեզերական կայանի բանաձեւի մասին տեղեկութիւններ ստանալու համար՝ առաջարկելով, որ ՆԱՍԱ-ն նմանատիպ դեղամիջոցներ կը կիրառի Մարս կատարելիք առաքելութեան համար:
Օգտագործելով դեղերի միջազգային ժամկէտանց ամսաթւերի տւեալների բազան՝ հետազօտողները պարզել են, որ 91 դեղամիջոցներից 54-ի պիտանելիութեան ժամկէտը 36 ամիս է կամ աւելի քիչ:
Ամենալաւատեսական գնահատականներով՝ այդ դեղերի մօտաւորապէս 60%-ի ժամկէտը կը լրանայ մինչեւ Մարս առաքելութեան աւարտը: Աւելի պահպանողական գնահատականներով այս ցուցանիշը հասնում է 98%-ի:
Տեզերանաւի վրայ տեղափոխւող դեղերի քանակի աւելացումը կարող է նաեւ օգնել փոխհատուցել ժամկէտանց դեղերի արդիւնաւէտութեան նւազեցումը, նշում են հետազօտութեան հեղինակները:
