Գիտնականները ցոյց են տւել ձիթապտղի իւղի օգտակարութիւնը սրտի առողջութեան համար
![](/wp-content/uploads/2024/08/3469-780x470.jpg)
Ֆլորիդայի համալսարանի գիտնականների խումբը հետաքրքիր եզրակացութեան է եկել սրտի առողջութեան համար ձիթապտղի իւղի օգտակարութեան մասին: Նրանց աշխատանքը ցոյց է տւել, որ այս մթերքի նոյնիսկ փոքր քանակութիւնը՝ օրական մէկ ճաշի գդալից պակաս, կարող է զգալիօրէն բարելաւել արեան մէջ խոլեստերինի մակարդակը եւ նւազեցնել սրտանօթային հիւանդութիւնների վտանգը: Այս արդիւնքները ներկայացւած են Ամերիկեան սրտի ասոցիացիայի (AHA) ամսագրում:
Հետազօտութեանը մասնակցել են 18-ից 79 տարեկան 40 չափահաս մասնակիցներ, որոնց մօտ եղել է սրտանօթային հիւանդութիւնների զարգացման ռիսկ,- յայտնում է Planet Today-ը:
Գիտնականները մշակել են յատուկ ծրագիր, որի ընթացքում կամաւորները չորս շաբաթւայ ընթացքում պէտք է հաւատարիմ մնան բուսական մթերքներով հարուստ երկու դիետաներից մէկին՝ միջերկրածովեան կամ վեգանական: Միեւնոյն ժամանակ մասնակիցներին յանձնարարւել է պահել ձիթապտղի իւղի սպառման հաշւառում:
Փորձը ներառում էր երկու դիետա՝ տարբեր քանակութեամբ ձիթապտղի իւղով: Մի ռեժիմը պահանջում էր օրական չորս ճաշի գդալ հում ձիթապտղի իւղ, մինչդեռ միւս ռեժիմը սահմանափակւում էր օրական մէկ թէյի գդալից պակաս օգտագործումով:
Տւեալների վերլուծութիւնը ցոյց է տւել, որ ինչպէս միջերկրածովեան, այնպէս էլ վեգան դիետաները, որոնք հարուստ են ձիթապտղի իւղով, նպաստել են մասնակիցների քաշի արդիւնաւէտ կորստին: Բացի այդ, երկու տեսակի դիետաներն էլ յանգեցրել են ընդհանուր խոլեստերինի, բարձր խտութեան լիպոպրոտեինի խոլեստերինի (այսպէս կոչւած «վատ» HDL խոլեստերինի), գլիւկոզայի եւ C-ռէակտիւ սպիտակուցի համադրելի կրճատմանը, որը մարմնում բորբոքման նշան է:
Այնուամենայնիւ, ամենահետաքրքիր բացայայտումն այն էր, որ ձիթապտղի իւղի սահմանափակ սպառման խումբը ցոյց տւեց LDL-ի (ցածր խտութեան լիպոպրոտեինների) մակարդակի աւելի արագ եւ աւելի մեծ նւազում: Բացի այդ, մասնակիցները, որոնք օրական օգտագործում էին ընդամէնը մէկ թէյի գդալ ձիթապտղի իւղ, նկատել են արյան շաքարի եւ ընդհանուր խոլեստերինի աւելի մեծ նւազում:
Գիտնականներն իրենց արդիւնքները բացատրում են նրանով, որ ձիթապտղի իւղը հարուստ է բուսական ծագման չզտւած ամբողջական ճարպերով։ Այս ճարպերը, նոյնիսկ փոքր քանակութեամբ, ունեն սրտապաշտպան ազդեցութիւն, այսինքն՝ օգնում են նւազեցնել սիրտ-անօթային հիւանդութիւնների զարգացման ռիսկը։
News.am