Գիտնականներն առաջին անգամ մտացրիւ սկլերոզին առնչւող՝ մեր նախնիներին յատուկ գենետիկական վարկածներ են բացայայտել

Նոր հետազօտութիւնը մտացրիւ սկլերոզին (MS) առնչւող՝ մեր նախնիներին բնորոշ գենետիկական վարկածներ է բացայայտել, եւ առաջարկում են փոխել այդ հիւանդութիւնից  տառապող բնակչութեան տարբեր խմբերի բուժման մօտեցումները:

Եւրոպական մտացրիւ սկլերոզի բուժման եւ հետազօտական ​​կոմիտէի 2024 համաժողովում ներկայացւած հետազօտութիւնն առաջին լայնածաւալ աշատանքն է, որը բացայայտել է մտացրիւ սկլերոզի ռիսկի վրայ ազդող որոշակի գենետիկական ազդեցութիւնները,- գրում է Medical Xpress հանդէսը։

Իսպանախօս եւ աֆրօամերիկացի ծագումով աւելի քան 7000 մարդկանց համապարփակ վերլուծութեան ժամանակ գիտնականները յայտնաբերել են մտացրիւ սկլերոզի ռիսկին առնչւող առանցքային գենետիկական լոկուսները (քրոմոսոմի գենետիկական կամ ցիտոգենետիկ քարտեզի վրայ որոշակի գենի գտնւելու վայրը):

Ստացւած արդիւնքներն ընդգծում են ծագման տւեալների վրայ հիմնւած գենետիկական ուսումնասիրութիւնների ներուժը՝ բազմակի սկլերոզի համար նախկինում չբացայայտւած ռիսկի գործօնները յայտնաբերելու եւ տարբեր ռասայական եւ էթնիկ խմբերի հանգամանալից քարտէզագրման ճշգրտութիւնը բարձրացնելու նպատակով:

Գիտնականներն անդրէթնիկ մետավերլուծութեան միջոցով նախկինում յայտնաբերւած մտացրիւ սկլերոզի ռիսկի 7 լոկուսների ճշգրիտ, բարձր լուծաչափով քարտէզագրում են ստացել:

Ըստ գիտնականների՝ այս լոկուսներում յայտնաբերւած վարկածները կարող են ճանապարհ հարթել բազմակի սկլերոզի նոր նպատակային բուժման համար, որոնցից մի քանիսը կարող են բնորոշ լինել որոշակի պոպուլիացիայի համար:

News.am