Խռմփոցը կարող է դեմենցիայի ռիսկի բարձրացման նշան լինել

Քնի ապնոէ սինդրոմը հիւանդութիւն է, որը հանգեցնում է շնչառութեան դադարեցմանը քնի ժամանակ: Այն յաճախ ուղեկցւում է խռմփոցով։ Նոր հետազօտութեան ընթացքում գիտնականները պարզել են, որ քնի ապնոէն կարող է մեծացնել դեմենցիայի վտանգը տարեցների, յատկապէս կանանց մօտ: Հետազօտութեան արդիւնքները հրապարակւել են SLEEP Advances ամսագրում:

Գիտնականները վերլուծել են 50 տարեկան եւ աւելի բարձր տարիքի 18 հազար մարդու տւեալները։ Նրանք, ովքեր արդէն ստացել էին ապնոէի ախտորոշում կամ կասկածւում էին ապնոէի մէջ, դեմենցիայի աւելի բարձր ռիսկ ունէին: Այս ասոցիացիան յատկապէս ուժեղ էր կանանց համար եւ այն պահպանւեց, երբ վերահսկւում էին դեմենցիայի ռիսկի այլ գործօնները, ինչպիսիք են ռասայական կամ կրթական մակարդակը:

Քնի ապնոէն կարող է ազդել քնի որակի վրայ՝ խաթարելով ուղեղի առողջութիւնը եւ մեծացնելով սրտի հիւանդութեան վտանգը: Հնարաւոր է, որ շնչառութեան կանգի պատճառով թթւածնի պակասը մեծացնում է դեմենցիայի վտանգը։ Հիւանդութիւնը բուժելի է, եւ, հետեւաբար, կարեւոր է թերապիան ժամանակին սկսել:

News.am