Իլոն Մասկը յայտարարել է «Երկրագնդի ամենախելացի արհեստական բանականութեան» թողարկման մասին
«ԱԼԻՔ» – Իլոն Մասկը յայտարարել է, որ իր xAI ստարտափը երկուշաբթի օրը կը թողարկի չաթ-բոտ Grok 3-ը՝ անւանելով այն «Երկրագնդի ամենախելացի արհեստական բանականութիւնը»՝ շուկայում կատաղի մրցակցութեան պայմաններում: Հաղորդում է CNN-ը:
«Ընկերութեան արհեստական բանականութեան ասպարէզում դրօշակակիր արտադրանքը կը ցուցադրւի երկուշաբթի երեկոյեան՝ Խաղաղ ովկիանոսի ժամանակով ժամը 20:00-ին»,- շաբաթ օրը գրել է նա իր X սոցիալական ցանցում:
Grok 3-ը պատրաստւած է աշխատել սինթետիկ տւեալների հետ եւ ի վիճակի է վերլուծել իր սխալները, որոնք թոյլ է տալիս, երբ ուսումնասիրում է տւեալները՝ տրամաբանական համաձայնեցւածութեան հասնելու համար:
«Թիմը եւ ես հանգստեան օրերին կը յղկենք արտադրանքը, իսկ մինչ այդ կաշխատենք աւտոնոմ ռեժիմով»,- ասել է Մասկը։
Անցեալ շաբաթ Մասկը յայտարարել էր, որ Grok 3-ը մշակման վերջին փուլում է եւ մի քանի շաբաթւայ ընթացքում կը ներկայացւի աշխարհին:
xAI-ը ձգտում է մրցակցային առաւելութիւններ ձեռք բերել Openais-ի նման ապրանքներով լցւած շուկայում, քանի որ արհեստական բանականութիւնը ներթափանցում է ժամանակակից կեանք:
