Հարաւային Կորէայում զուգարանի ողոման համակարգով հնագոյն պալատ են յայտնաբերել
«ԱԼԻՔ» – Հարաւային Կորէայի Կիոնջու քաղաքի Սիլլա դինաստիայի Վոլսյոն պալատի համալիրի պեղումները ի յայտ են բերել Տոնգունգ պալատը՝ Սիլլա դինաստիայի թագաժառանգ արքայազնի նստավայրը, որը յագեցած է զուգարանի ողողման համակարգով: 12-րդ դարի Սամգուկ Սագի տարեգրութեան մէջ նշւում է, որ թագաւոր Սիլլա Մունմուն (մ.թ. 661-681 թւականներ) կառուցել է Տոնգունը 679 թւականին, սակայն դրա ճշգրիտ վայրը չի նշւում։ Հաղորդում է news.am-ը:
Հնագէտները ենթադրում էին, որ այն տեղակայւել է Վոլջիից արեւմուտք՝ որպէս պալատական համալիրի մաս կառուցւած արհեստական լճակ, սակայն 2022 թւականին մեկնարկած տարածքի համապարփակ պեղումները ցոյց տւեցին, որ լճակի արեւմտեան կողմի մնացորդները գլխաւոր թագաւորական պալատի շարունակութիւնն էին, այլ ոչ թէ թագաժառանգի պալատը, հաղորդում է Planet Today-ը։ Երբ հնագէտները պեղել են լճակի արեւելեան կողմը, ողողւող զուգարանային համակարգով մի հսկայ շինութեան մնացորդներ են յայտնաբերել, որը թւագրւում էր Միացեալ Սիլլայի ժամանակաշրջանին (մ.թ. 668-935 թւականներ): Այն իր մասշտաբով եւ բարձրութեամբ տարբերւում է թագաւորական պալատից եւ դրա կցակառոյցից, սակայն նրա չափերը, հարեւանութիւնը թագաւորական պալատին եւ բարձրակարգ յարմարութիւնները, մասնաւորապէս՝ զուգարանի ողողման համակարգը, որն իր տեսակի մէջ առաջինն է յայտնաբերւած տեղում, նշւում է որպէս թագաժառանգի պալատ:
Հնագէտները 2014 թւականից ի վեր ամէն տարի պեղում են պալատական համալիրը եւ յայտնաբերել ուշագրաւ արտեֆակտներ, դրանց թւում՝ մաքուր ոսկու տերեւի փոքրիկ, բայց տպաւորիչ հատւածը՝ թռչունների եւ ծաղիկների խրթին փորագրութեամբ: Մէկ այլ արժէքաւոր եւ հազւագիւտ արտեֆակտ է յայտնաբերւել պեղումների վայրում, որն իրականում գոյութիւն է ունեցել Սիլլայի թագաւորութիւնից առաջ՝ լաքապատ փայտէ զարդատուփ, որում լեռնային բիւրեղից վզնոց է պահւել:
Հետազօտողները պնդում են, որ լաքապատ զարդատուփը կարող է լինել բարձր կարգավիճակի ընծայում՝ կրօնական կամ ծիսական համատեքստում:
«Վզնոցը գտնւել է զարմանալիօրէն լաւ պահպանւել իւրօրինակ անվնաս թելով»,- նշել է Կիոնջուի մշակութային ժառանգութեան ազգային հետազօտական ինստիտուտի գիտաշխատող Կիմ Կիւնգ Եօլը։
Հիմնւելով շրջակայ տարածքի արտեֆակտների եւ այրւածքների հետքերի վիճակի վրայ՝ հետազօտողները պնդում են, որ արարողութիւնից յետոյ ծիսական վայրը միտումնաւոր հրկիզւել է, ինչը սովորաբար առնչւում է հնագոյն մաքրման ծիսակարգերին:
