Ինչպէս բարելաււել տեսողութիւնը՝ սննդի օգնութեամբ

Մեր ժամանակներում լաւ տեսողութիւնը կարելի է համարել ոչ թէ բնութեան պարգեւ, այլ երկարատեւ եւ հետեւողական աշխատանքի արդիւնք: Լաւ տեսողութիւնը կարելի է պահպանել առողջ սննդի օգնութեամբ: Ներկայացնենք տեսողութեան լաւացմանը նպաստող մթերքների տասնեակը:

Գազար

Հարուստ է մեծ քանակութեամբ վիտամիններով եւ յատկապէս տեսողութեան համար օգտակար A վիտամինով: Շնորհիւ բետա-կարոտինի պարունակութեան, այն նպաստում է յատկապէս տեսողութեան սրութեան լաւացմանը: Եթէ ցանկանում էք, որ արդիւնքն առաւել յաջող լինի՝ գազարով եւ թթւասերով աղցան պատրաստէք, կամ խաշէք այն սերուցքի հետ միասին:

Սեւ հաղարջ

Շնորհիւ B1 եւ C վիտամինի, նաեւ լիւտէինի պիգմենտի պարունակութեան, այն օգնում է պահպանել աչքի սրութիւնը եւ թուլացնել աչքերի հոգնածութիւնը: Պէտք է նշել, որ սեւ հաղցարջը պահպանում է իր օգտակար յատկութիւնները նոյնիսկ սառեցւած վիճակում եւ մուրաբայի տեսքով:

Սեւ շոկոլադ

Այս մթերքը պաշտպանում է աչքի արիւնատար անօթները՝ շնորհիւ պարունակւող ֆլաւանոիդների, ամրացնում են եղջերաթաղանթը:

Բայց յիշէք. խօսքը սեւ շոկոլադի մասին է, որը չի պարունակում յաւելումներ:

Սպանախ

Ձեր սննդակարգում այս բանջարեղէնը ներառելով, կը նւազեցնեք կատարակտի առաջացման հաւանականութիւնը 10 տոկոսով:

Կաթնաշոռ

Այն պարունակում է B2 վիտամին (ռիբոֆլաւին), նպաստում է նիւթափոխանակութեանը եղջերաթաղանթում, իսկ վիտամին B12-ը բարելաւում է արեան մատակարարումը դէպի աչք:

Դդում

Դդմի բաղադրութեան մաս կազմող լիւտեինը եւ զեակսանտինը, այն հարուստ են դարձնում C, A, B1, B2 վիտամիններով եւ ցինկով: Դդումը եւս պահպանում է օգտակար բաղադրիչները նոյնիսկ ջերմամշակման ենթարկւելուց յետոյ:

Բրոկոլի

Տեսողութիւնը պահպանող եւս մէկ մթերք: Շնորհիւ կարոտինի, լիւտեինի բիւրեղիկների, այն թոյլ է տալիս պաշտպանել աչքի բջիջներն արտաքին գործօններից:

Ձկնամթերք եւ ձկան իւղ

Այս մթերքները Օմեգա 3 ճարպաթթւի աղբիւր են եւ դարեր շարունակ օգտագօրծւում են տեսողութեան պահպանման եւ բարելաւման նպատակով:

Սոխ եւ սխտոր

Տարբեր կերակրատեսակներին այս մթերքներն աւելացնելով, դուք կօգնենք Ձեր տեսողութեանը վերականգնել յստակութիւնը, ճշգրտութիւնը:

Մրգեր

Տեսողութեան համար օգտակար մթերքների ցանկն ամփոփենք մրգերով: Կիւի, խաղող, նարինջ, դեղձ…

Տեսողութեան համար առաւել օգտակար են կանաչ եւ նարնջագոյն գունաւորում ունեցող մրգերը:

Այս տասը մթերքների կողքին կան եւս շատ շատերը՝ սոյա, կանաչ պղպեղ, ձու… Դուք կարող էք ստեղծագործել՝ համադրելով դրանք, սնւել համեղ եւ առողջ:

168.am