Բացայայտւել են կանաչ թէյի անսպասելի օգուտները ուղեղի համար

Գիտնականները պարզել են, որ կանաչ թէյի գլխաւոր բաղադրիչը՝ էպիգալոկատեխին գալատը (EGCG), կարող է վերականգնել նէյրոնների էներգետիկ հաւասարակշռութիւնը եւ օգնել ուղեղին ազատւել թունաւոր սպիտակուցային կուտակումներից: Այս մասին ասւում է GeroScience ամսագրում հրապարակւած ուսումնասիրութեան մէջ։

Տարիքի եւ Ալցհէյմերի հիւանդութեան պատճառով նեարդային բջիջներում նւազում է GTP մոլեկուլի մակարդակը, որը անհրաժեշտ է «բջջային մաքրման» գործընթացների համար, ինչպիսիք են աուտոֆագիան եւ էնդոցիտոզը: Արդիւնքում, սպիտակուցային ագրեգատները, այդ թւում՝ բետա-ամիլոիդը, կուտակւում են նէյրոններում, ինչը յանգեցնում է բջիջների վնասման եւ մահւան։

Փորձերը ցոյց են տւել, որ EGCG-ի եւ նիկոտինամիդի համակցւած օգտագործումը վերականգնել է GTP մակարդակը ծերացող նէյրոններում ընդամէնը մէկ օրում: Սա ակտիւացրել է ինքնամաքրման մեխանիզմները, մեծացրել բջիջների գոյատեւումը եւ նւազեցրել օքսիդատիւ սթրեսը։

Հեղինակները ընդգծում են, որ չնայած սրանք լաբորատոր ուսումնասիրութիւններ են, արդիւնքները հեռանկարներ են բացում տարիքային ճանաչողական խանգարումների կանխարգելման եւ Ալցհէյմերի հիւանդութեան բուժման նոր միջոցների մշակման համար։

News.am