Որ բանջարեղէնն է նւազեցնում օրգանիզմի նկատմամբ շաքարի ազդեցութիւնը

Իրւինում Կալիֆորնիայի համալսարանի գիտնականները պարզել են, թէ որ բանջարեղէնը կարող է նւազեցնել շաքարի վնասակար ազդեցութիւնը օրգանիզմի նկատմամբ՝ շնորհիւ բնական մանրաթելի՝ ինուլինի, գրում է New York Post-ը։

Գիտնականները պարզել են, որ սոխը, սխտորը եւ արտիճուկը կարող են փոխել աղիքներում ապրող մանրէները՝ կանխելով ֆրուկտոզայի ներթափանցումը լեարդ։

«Մենք պարզեցինք, որ ինուլին կոչւող սննդային մանրաթելի տեսակը սպառելը փոխում է աղիքային մանրէները՝ կանխելով վնասակար ֆրուկտոզայի կլանումը»,- յայտարարել է առաջատար հետազօտող Չոլսուն Ջանգը։

Ջանգը եւ նրա թիմը պարզեցին, որ բարակ աղիքի մանրէները կարող են նիւթափոխանակել ֆրուկտոզան, նախքան այն հասնի լեարդ։ Սակայն բաւարար մանրաթելի  բացակայութեան դէպքում ֆրուկտոզան ծանրաբեռնում է լեարդը եւ առաջացնում ճարպի կուտակում։ Ինուլինի օգնութեամբ մանրէները սկսում են այրել շաքարը վաղ փուլում։

«Յատուկ աղիքային մանրէներն ու նիւթափոխանակութեան ուղիները բացայայտելով՝ մեր արդիւնքները կարող են օգնել անհատականացւած սննդային ռազմավարութիւնների մշակմանը»,- ընդգծել է Ջանգը։

News.am