Իսկ Անդրանիկ Քոչարեանը տղամարդկութիւն ունեցել է՞ իր խմբապետին նման առաջարկ անի

Անդրանիկ Քոչարեանը Արցախի նախագահին ինքնասպանութեան կոչ է արել` համարելով, որ ստեղծւած իրավիճակում ելքը դա է: Այս մասին իր «Ֆէյսբուք»-եան էջում գրել է ԱԺ «Պատիւ ունեմ» խմբակցութեան պատգամաւոր Տիգրան Աբրահամեանը․

«Իսկ Անդրանիկ Քոչարեանը տղամարդկութիւն ունեցել է՞ իր խմբապետին նման առաջարկ անի, երբ Նիկոլը յայտարարեց Արցախի յանձնման իր մտադրութեան մասին եւ իրագործեց:

Անդրանիկ Քոչարեանն այդքան համարձակութիւն ունէ՞ր ինքնասպանութեան մղել իր այն թիմակիցներին, ովքեր Արցախի ապագան տեսնում էին Ադրբեջանի կազմում եւ դրա համար ամէն ինչ արեցին:

Վերջապէս որպէս իշխող քաղաքական ուժի առանցքային անդամ` ինքն իր հետ ինչ է պատրաստւում անել Անդրանիկ Քոչարեանը` այս 5 տարւայ ընթացքում հայ ժողովրդին անվերջ պարտութիւններ բերելու, հազարաւոր զոհեր պատճառելու եւ սեփական ժողովրդի նկատմամբ թշնամութիւն սերմանելու համար»:

Յիշեցնենք, որ սեպտ. 29-ին «Aravot.am»-ի հետ զրոյցում, խօսելով Արցախի նախագահի ստորագրած հրամանագրի մասին, ԱԺ Պաշտպանութեան եւ անվտանգութեան հարցերի յանձնաժողովի նախագահ Անդրանիկ Քոչարեանը յայտարարել էր, որ եթէ Սամուէլ Շահրամանեանն ինքնասպան լինէր, աւելի ճիշտ կը լինէր։