«ԱԼԻՔ» – Իրանի Իսլամական Հանրապետութեան ցամաքային զօրքերի հրամանատարն ասել է, որ բանակի ցամաքային զօրքերի կարեւորագոյն գործառոյթը սահմանները խելամտօրէն պաշտպանելն ու կայուն անվտանգութեան ապահովումն է:
Ըստ Parstoday.ir/hy-ի Իրանի Ռադիոհեռուստատեսութեան լրատւական գործակալութեան ուրբաթ օրւայ հաղորդման համաձայն՝ Իրանի Իսլամական Հանրապետութեան ցամաքային զօրքերի հրամանատար գեներալ-մայոր Քիոմարս Հէյդարին, անդրադառնալով Իրանի բանակի հետախուզական նորագոյն սարքաւորումների տեղական լինելու հանգամանքին, ասել է, որ բոլոր այն սարքաւորումները եւ սպառազինութիւնները, որոնք խելացի կերպով տրամադրւել են բանակի ցամաքային զօրքերի հետախուզական ստորաբաժանումներին՝ թիրախային երկրի խորքում տեղեկատւութիւններ հաւաքելու նպատակով, ամբողջովին տեղական են, եւ հանդիսանում են Պաշտպանութեան եւ զինւած ուժերի աջակցութեան նախարարութեան արդիւնաբերութեան եւ իրանական գիտելիքահէնք ընկերութիւնների արտադրանքը, որոնք նախագծւել եւ արտադրւել են ինքնաբաւութեանը ուղղւած ջիհադով՝ Իսլամի մասնագէտ ու կարող մարտիկների ջանքերով։
ԻԻՀ ցամաքային զօրքերի հրամանատարը բանակի ցամաքային զօրքերի հետախուզական ստորաբաժանումները նոր հետախուզական սարքաւորումներով համալրւելու կապակցութեամբ, ասել է, որ այս սարքաւորումներն ու սպառազինութիւնը որեւէ երկրի դէմ սպառնալիք չի կարող համարւել եւ նախատեսւած է միայն երկրի սահմանները խելամտօրէն պաշտպանելու եւ կայուն անվտանգութիւն ստեղծելու նպատակով։
Բանակի ցամաքային զօրքերը նորագոյն հետախուզական սարքաւորումներով համալրւելուն նւիրւած միջոցառումը տեղի է ունեցել «Հազրաթէ Խաթամ»-ի կենտրոնակայանի ղեկավարի իրաւայաջորդ, գեներալ-մայոր Հոսէյն Հասան Սաադիի, բանակի հետախուզութեան եւ զինւած ուժերի գլխաւոր շտաբի մի խումբ հրամանատարների ու պաշտօնեաների ներկայութեամբ՝ բանակի ցամաքային զօրքերի հետախուզութեան գծով տեղակալի աշխատակազմի նախաձեռնութեամբ։
