Պաղեստինամէտ ցուցարարները թրթուրներ եւ ծղրիդներ են բաց թողել այն հիւրանոցում, որտեղ բնակւում է Նեթանեահուն

«ԱԼԻՔ»- Երեքշաբթի օրն Իսրայէլի վարչապետ Բենիամին Նեթանեահուի կեցութեան ժամանակ հակաիսրայէլական ցուցարարները թրթուրներ եւ ծղրիդներ են բաց թողել Վաշինգտոնի «Ուոթերգէյթ» հիւրանոցում: The National Desk-ին հաստատել է հիւրանոցի ներկայացուցիչը:

Համացանցում տեղադրւած տեսանիւթում երեւում է «Ուոթերգէյթ»-ի կոնֆերանսների սենեակը՝ ծածկւած թրթուրներով եւ միջանցքները՝ լցւած ծղրիդներով: Տեսանիւթում երեւում է նաեւ հիւրանոցի ազդանշանային համակարգը, որը յայտնում է, որ հրդեհի ազդանշանը միացել է։