ՌԴ եւ Ադրբեջանի նախագահները համատեղ յայտարարութեամբ անդրադարձել են նաեւ հայ-ադրբեջանական յարաբերութիւնների կարգաւորմանը

«ԱԼԻՔ» – Ռուսաստանի եւ Ադրբեջանի նախագահները համատեղ յայտարարութիւն են տարածել, որում անդրադարձ է կատարւել նաեւ հայ-ադրբեջանական յարաբերութիւնների խաղաղ կարգաւորմանը։

Կրեմլի տարածած յայտարարութեան մէջ նշւում է, որ կողմերն ընդգծել են 2020 թւականի նոյեմբերի 9/10-ի եռակողմ յայտարարութեան, ինչպէս նաեւ ամենաբարձր մակարդակով ձեռք բերւած հետագայ պայմանաւորւածութիւնների կարեւորութիւնը՝ Հարաւային Կովկասում անվտանգութիւնն ու կայուն զարգացումն ապահովելու համար։

«Ռուսաստանի Դաշնութիւնը հաստատել է իր պատրաստակամութիւնը՝ շարունակելու նպաստել Ադրբեջանի Հանրապետութեան եւ Հայաստանի Հանրապետութեան միջեւ յարաբերութիւնների կարգաւորմանը»,-ասւում է համատեղ յայտարարութեան մէջ։