Հայաստանում Իրանի դեսպանութիւն. Սիոնիստական ռեժիմը հերթական անգամ աշխարհին ցոյց տւեց իր դաժանութիւնը
«ԱԼԻՔ» – Երեւանում ԻԻՀ դեսպանութիւնը խստօրէն դատապարտել է Գազայի «Ալ-Մոամմեդանի» հիւանդանոցի վրայ սիոնիստական ռեժիմի սարսափելի յարձակումը, որը յանգեցրել է հարիւրաւոր անպաշտպան հիւանդների նահատակութեանը եւ վիրաւորւելուն:
Parstoday-ի համաձայն՝ դեսպանատան տարածած յայտարարութեան մէջ ասւում է. «Շարունակելով Պաղեստինի ժողովրդի դէմ իր ամօթալի յանցագործութիւնները, սիոնիստական ռեժիմն այս նողկալի յանցագործութեամբ եւս մէկ անգամ ողջ աշխարհին ցոյց տւեց իր վայրագութիւնն ու դաժանութիւնը եւ ապացուցեց, որ հաւատարիմ չէ միջազգային իրաւունքի եւ մարդու իրաւունքի սկզբունքներին:
Մեր խորին կարեկցանքը յայտնելով Գազայի ճնշւած ժողովրդին, յատկապէս այս սարսափելի ոճրագործութեան նահատակների ընտանիքներին, նշում ենք, որ այս յանցագործութիւնը կազմակերպողները պատասխան են տալու նահատակների հեղւած արեան համար։ Այսօր միջազգային հանրութիւնը, յատկապէս ՄԱԿ-ը, կանգնած է մեծ փորձութեան առաջ՝ պատասխանատւութեան կանչելու սիոնիստ յանցագործներին եւ պատժելու մարդկութեան դէմ ուղղւած այս յանցագործութեան հեղինակներին»:
