Լեւոն Զուրաբեան. «ՀՀ-ն պատմութեան մէջ առաջին երկիրն է, որը ՄԱԿ-ում չզբաղւեց քաղաքականութեամբ եւ սեփական շահերի պաշտպանութեամբ»
«ԱԼԻՔ» – ՀԱԿ փոխնախագահ Լեւոն Զուրաբեանը եւս անդրադարձել է նախօրէին ՄԱԿ-ի Գլխաւոր ասամբլեայի 79-րդ նստաշրջանում Նիկոլ Փաշինեանի ունեցած ելոյթին:
«Միջազգային հանրութիւնը թեթեւացած շունչ քաշեց սեպտեմբերի 23-ին, ՄԱԿ-ի Գլխաւոր Ասամբլեայի նիստին հնչած Նիկոլ Փաշինեանի յայտնութիւնից իմանալով, որ «ապագայ կայ»:
Այդ օրը Հայաստանը յեղափոխութիւն կատարեց դիւանագիտութեան մէջ, դառնալով պատմութեան մէջ առաջին երկիրը, որը ՄԱԿ-ի Գլխաւոր վեհաժողովում վեհաբար չզբաղւեց քաղաքականութեամբ եւ սեփական շահերի պաշտպանութեամբ, ընդհանրապէս չշօշափեց Հայաստանի անունը կամ նրա խնդիրները, այլ դիմեց փիլիսոփայական ներշնչման վրայ հիմնւած մեդիտացիայի:
Նիկոլ Փաշինեանի ելոյթի բովանդակութիւնը.
– «Ապագայ կայ» ոչ միայն Հայաստանի համար, այլեւ ամբողջ աշխարհի համար:
– Ապագայի բանալին` յենւել «պոզիտիւ նարատիւների» վրայ:
– Անցեալն արդէն եղել պրծել է, ներկայում շատ բան փոխել հնարաւոր չէ, պէտք է կենտրոնանալ ապագայի ձեւաւորման վրայ:
– Ինչ լինում է իրականութեան մէջ, նախ տեղի է ունենում մեր մտքերի մէջ:
– Սկզբում էր Խօսքը, Խօսքը Աստծու հետ էր, եւ Խօսքը Աստւած էր:
– Հետեւաբար, պէտք է սկսել լաւ խօսքերից, որպէս թէորեմ առաջ քաշել «Ապագայ կայ» կարգախօսը եւ ապացուցել այն:
Ժողովուրդ ջան, կարճ ասած` աննախադէպ կղկանքի մէջ ենք»,- ֆէյսբուքեան իր էջում գրել է նա:
