Սիրիայում տիրող քաոսի պայմաններում Իսրայէլի ռազմաօդային ուժերը բազմաթիւ հարւածներ են հասցրել երկրի տարածքին

«ԱԼԻՔ» – Քաոսի պայմաններում իսրայէլական ռազմաօդային ուժերը երէկ՝ դեկտեմբերի 8-ին, բազմաթիւ հարւածներ են հասցրել Սիրիայի տարածքին՝ ոչնչացնելով զէնքը, որը Իսրայէլի մտավախութեամբ, կարող էր ընկնել թշնամական ուժերի ձեռքը: Հաղորդում են միջազգային ԶԼՄ-ները:

Մասնաւորապէս հարւածներ են հասցւել Սուվէյդայի Խալխալայի աւիաբազայի, Դարաայի նահանգում գտնւող մի շարք օբիեկտների եւ Դամասկոսի Մեզզէ աւիաբազայի զինապահեստներին: Կիրակի կէսօրին լրացուցիչ հարւածներ են հասցւել Մեզզէ աւիաբազային՝ մայրաքաղաքի Քաֆր Սուս արւարձանում գտնւող անվտանգութեան գլխաւոր համալիրին, Դամասկոսի Գիտահետազօտական ​​կենտրոնի մասնաճիւղին եւ մայրաքաղաքի կենտրոնական հրապարակին, որտեղ գտնւում են հետախուզութեան եւ մաքսային շտաբները: