Արաղչին՝ Գրոսսի հետ հեռախօսազրոյցում. «Իրանը դեռեւս պատրաստ է կառուցողական համագործակցութեան ՄԱԳԱՏԷ-ի հետ սահմանւած տեխնիկական շրջանակներում»
«ԱԼԻՔ» – ԱԳ նախարար Սէյէդ Աբբաս Արաղչին երէկ՝ երեկոյեան հեռախօսազրոյց է ունեցել ՄԱԳԱՏԷ-ի ղեկավար Ռաֆայէլ Գրոսսի հետ, յայտնելով, որ Իրանը դեռեւս պատրաստ է կառուցողական համագործակցութեան Գործակալութեան հետ սահմանւած տեխնիկական շրջանակներում:
Հեռախօսազրոյցի ընթացքում քննարկւել է Իրանի եւ ՄԱԳԱՏԷ-ի միջեւ անվտանգութեան համաձայնագրի տեսքով համագործակցութեան վերջին կարգավիճակը:
Արաղչին խստօրէն քննադատել է Կառավարիչների խորհրդի որոշ անդամների ոչ կառուցողական գործողութիւնները, որոնք յանգեցրել են անվտանգութեան խնդիրների լուծման գործում առաջընթաց գրանցելու Գործակալութեան գլխաւոր տնօրէնի ջանքերի ձախողմանը:
«Իրանի Իսլամական Հանրապետութիւնը չտարակուսեց նման գործողութիւններին իր վճռական պատասխանում Իրանն այնուամենայնիւ պատրաստ է կառուցողական համագործակցութեան ՄԱԳԱՏԷ-ի հետ սահմանւած տեխնիկական շրջանակներում»,- յստակեցրել է նա:
Գրոսսին իր հերթին ընդգծել է Իրանի հետ լուրջ փոխգործակցութեան Գործակալութեան վճռականութիւնը եւ յայտարարել, որ իր պարտականութիւնների եւ լիազօրութիւնների շրջանակում խորհրդակցութիւններ է անցկացրել եւ կանցկացնի այլ կողմերի հետ՝ ստեղծւած խնդիրները լուծելու համար նպաստաւոր մթնոլորտ ստեղծելու համար։
