Իսրայէլը ոչնչացրել է Սիրիական բանակի տեխնիկայի 80%-ը

«ԱԼԻՔ» – Սիոնիստական բանակը վերջին երեք օրերի ընթացքում ոչնչացրել է Սիրիական բանակի կարողութեան եւ տեխնիկայի շուրջ 80%-ը։ Այս մասին տեղեկացրել է «Թասնիմ» լրատւական գործակալութիւնը՝ իսրայէլական Haaretz-ին յղումով:

Աղբիւրի համաձայն՝ իսրայէլական բանակը ծրագրում է երկար ժամանակով հաստատւել օկուպացւած Գոլանի «բուֆերային» տարածքում։

Նոյն կապակցութեամբ  վերջերս եբրայական Walla News կայքն իր յատուկ թողարկումների ժամանակ նշել է, որ Սիրիայի դէմ Իսրայէլի ռազմաօդային ուժերի գործողութեան ընթացքում իսրայէլական բանակի կործանիչները 359 անգամ գրոհել են  Սիրիայի տարբեր շրջանների ուղղութեամբ եւ թիրախաւորել սիրիական բանակի ռազմաօդային եւ հրթիռային յենակէտերը:

Բացի այդ, ոչնչացւել են նաեւ սիրիական նաւատորմի 15 հրթիռակիր ռազմանաւեր: 

Նոյն աղբիւրը նշել է, որ հետախուզական գործողութիւնները ցոյց են տալիս, որ   ոչնչացւել է սիրիական բանակի հնարաւորութիւնների 70-80%-ը։