Հայաստան - ԱրցախՔաղաքական
Բաքւի դատարանն անտեսել է Ռուբէն Վարդանեանի պաշտպանի բողոքը
«ԱԼԻՔ» – Բաքւում Արցախի նախկին պետնախարար Ռուբէն Վարդանեանի դէմ շինծու դատական նիստի ժամանակ Վարդանեանի փաստաբանը բողոք է ներկայացրել դատարանի կազմի դէմ՝ յայտարարելով, որ դատաւորները շահագրգռւած են Արցախի նախկին պետնախարարի քրէական հետապնդմամբ, հետեւաբար այս կազմով արդար դատաքննութիւն լինել չի կարող։ Այս մասին ըստ հայաստանեան ԶԼՄ-ների՝ յայտնում են ադրբեջանական լրատւամիջոցները։
Դատարանը, սակայն խորհրդակցական սենեակից վերադառնալով, յայտարարել է, որ չի քննարկել Վարդանեանի պաշտպանի բողոքը։
Ռուբէն Վարդանեանի դէմ շինծու գործերով յաջորդ դատական նիստը կը կայանայ փետրւարի 13-ին։
Ռուբէն Վարդանեանը մեղադրւում է պատերազմ վարելու, ահաբեկչութեան, խոշտանգումների եւ այլ ծանր յանցագործութիւնների մէջ։
