The Washington Post. «Թրամփը խոստացել է պաշտպանել հայ քրիստոնեաներին, նա կարող է սկսել Ռուբէն Վարդանեանից»
«ԱԼԻՔ» – «Թրամփը խոստացել է պաշտպանել հայ քրիստոնեաներին, նա կարող է սկսել Ռուբէն Վարդանեանից»: Դրա մասին The Washington Post պարբերականի իր յօդւածում գրել է ամերիկացի լրագրող եւ հայազգի գրող Դէյւիդ Իգնեշիուսը:
«Ադրբեջանում դատում են հայ Ռուբէն Վարդանեանին, եւ ես ուզում եմ ներկայացնել Ադրբեջանում դատավարութեան ենթարկւած քաղբանտարկեալ Վարդանեանի ծանր վիճակը։ Նրան սպառնում է ցմահ ազատազրկում, եւ նրա գործն աւելի մեծ ուշադրութեան է արժանի։
Վարդանեանի՝ այսպէս կոչւած «յանցագործութիւնը» հայկական դիմադրութեանն աջակցելն էր Լեռնային Ղարաբաղում՝ Կովկասի հեռաւոր տարածաշրջանում, որի բնակիչները ժամանակին հիմնականում հայեր էին: Ներկայում արդէն 120 հազար հայ տարածաշրջանից փախել է 2023 թւականի սեպտեմբերին, երբ այնտեղ ներխուժեցին ադրբեջանական զօրքերը: Վարդանեանը ձերբակալւել է Հայաստանի հետ սահմանը հատելու փորձի ժամանակ»,- գրել է յօդւածագիրը։
Յօդւածագիրը յիշեցրել է, որ Վարդանեանի դատավարութիւնը սկսւել է մէկ շաբաթ առաջ Բաքւում։ Ադրբեջանը նրա դէմ 46 մեղադրանք է առաջադրել՝ «ահաբեկչութիւնից մինչեւ կազմակերպւած յանցագործութիւն»։ Սակայն իրականում, ըստ յօդւածագրի, նրա հետ կապւած հարցն իրականում կապւած է 2022 թւականին Ղարաբաղ տեղափոխւելու եւ այնտեղ պետնախարար դառնալու որոշման հետ։
Իգնատիուսն անդրադարձել է նաեւ 2022 թւականի դեկտեմբերից Ադրբեջանի կողմից Արցախի շրջափակման, ինչպէս նաեւ 2023 թւականի սեպտեմբերին ռազմական ներխուժման եւ հայ բնակչութեան բռնի տեղահանման մասին։
