ԱՄՆ-ի եւ եւրոպական եռեակի կրկնւող մեղադրանքներն Իրանի միջուկային ծրագրի դէմ
Իրանի դէմ բացւած ճնշումների հերթական ճակատը
«ԱԼԻՔ» – Ըստ բրիտանական կառավարութեան պաշտօնական լրահոսի՝ ԱՄՆ-ը, Բրիտանիան, Ֆրանսիան եւ Գերմանիան, համատեղ յայտարարութեամբ կրկնել են Իրանի խաղաղ միջուկային ծրագրի դէմ իրենց մեղադրանքները՝ սպառնալով, որ «Ժամանակն Իրանի կողքին չէ»,- հաղորդում է «Մեհր»-ը։
Չյիշատակելով Թրամփի վարչակազմի կողմից ԲԱՐՋԱՄ-ից միակողմանի դուրս գալու, ինչպէս նաեւ նոյն այդ համաձայնագրի շրջանակներում եւրոպական կողմի պարտաւորութիւնները չկատարելու փաստը, ընդգծել են, որ ՄԱԳԱՏԷ-ի գլխաւոր տնօրէնի եւ Կառավարիչների խորհրդի արձանագրութիւններում նշւած է, որ Իրանը իրաւաբանօրէն պարտաւոր է համագործակցել, սակայն Թեհրանը հրաժարւել է համագործակցութիւնից։ Յայտարարութեան մէջ նշւած է նաեւ, որ գործակալութիւնը չի կարողանում անհրաժեշտ երաշխիքներ տալ Իրանի միջուկային ծրագրի խաղաղ բնոյթի վերաբերեալ։
Յայտարարութեան մէջ ԱՄՆ-ը եւ եւրոպական եռեակը կոչ են արել Կառավարիչների խորհրդին «օգտագործել բոլոր հնարաւոր գործիքները՝ Իրանի միջուկային ծրագրի բնոյթը պարզաբանելու հարցում»:
