Արհեստական բանականութեան չարաշահումը կարող է աշխարհում լայնածաւալ հակամարտութիւն հրահրել

«ԱԼԻՔ» – Արհեստական բանականութեան չարաշահումը կարող է աշխարհում լայնածաւալ հակամարտութիւն հրահրել։

Ինչպէս հաղորդում է Tert.am-ը՝ այս մասին «Ռոսիա 24» հեռուստաալիքին տւած հարցազրոյցում ասել է ՄԱԿ-ի գլխաւոր քարտուղարի տեղակալ եւ տեխնոլոգիաների հարցերով յատուկ ներկայացուցիչ Ամանդիպ Սինգհ Գիլը։

«Միաւորւած ազգերի կազմակերպութիւնը ձգտում է իւրաքանչիւր երկրի հնարաւորութիւն տալ ինքնուրոյն զարգացնել արհեստական ​​բանականութեան տեխնոլոգիաները։

Այս պահին արհեստական ​​բանականութեան զարգացման կենտրոնները անհաւասարաչափ են բաշխւած, ուստի բնակչութեան մեծ մասը զրկւած է նման տեխնոլոգիաների օգտագործման հնարաւոր առաւելութիւններից»։

Միեւնոյն ժամանակ, ՄԱԿ-ի ներկայացուցիչը զգուշացրել է արհեստական ​​բանականութեան տեխնոլոգիաների ոչ պատշաճ օգտագործման կամ չարաշահման դէպքում հնարաւոր ռիսկերի մասին։ Նրա խօսքով՝ արհեստական ​​բանականութեան չարաշահումը կարող է աշխարհում լայնածաւալ հակամարտութիւն հրահրել, ուստի ՄԱԿ-ը պէտք է վերահսկողութեան տակ պահի արհեստական ​​բանականութեան հետ կապւած իրավիճակը՝ անվտանգ աշխարհ եւ կայուն զարգացում ապահովելու համար։