Արգելւել է քաղաքագէտ Կարէն Իգիթեանի մուտքը ՀՀ
«ԱԼԻՔ» – Արգելւել է քաղաքագէտ Կարէն Իգիթեանի մուտքը Հայաստան: Այս մասին նա տեղեկացրել է ֆէյսբուքեան իր էջում:
«Բարեկամներ, ինձ արգելեցին մուտք գործել Հայաստան: Ես վերադառնում էի Երեւան Պիատիգորսկից, որտեղ մասնակցեցի «Կովկասեան երկխօսութեանը» եւ խօսեցի Թուրքիայի կողմից Կովկասում տարածւող արմատականութեան մասին։
Հայաստան ժամանելուն պէս ԱԱԾ սահմանապահ զօրքերը յայտարարեցին, որ ինձ արգելւել է մուտք գործել երկիր: ԱԱԾ-ի եւ օդանաւակայանի անվտանգութեան ծառայութեան աշխատակիցներին հարցեր չկան. նրանք իրենց պահեցին հնարաւորինս ճիշտ եւ պրոֆեսիոնալ կերպով։
Բայց կան հարցեր (հռետորական) Հայաստանի իշխող ուժի համար։
Ո՞րն է արգելքի պատճառը: Որովհետեւ ես մեդիայում հանդէս եկայ Հայ Առաքելական Եկեղեցու պաշտպանութեան օգտին: Կամ որովհետեւ խօսեցի Թուրքիայի կողմից տարածւող արմատականութեան մասին»,- գրել է նա:
