Յակոբ Բադալեան. «ՀՀ միջազգայնօրէն ճանաչւած տարածքում որեւէ «երրորդ ֆունկցիոնալ կողմի» առկայութիւնը նշանակում է ՀՀ տարածքը դէ ֆակտօ դարձնել վիճելի»
«ԱԼԻՔ» – «Ապշել կարելի է, թէ ինչպէս է փորձ արւում զանազան տաղաւարներում հիմնաւորել Հայաստանի տարածքով անցնող ճանապարհին առնչւող որեւէ պետական գործառոյթի «արտապատւիրակման» որեւէ տարբերակ»: Այս մասին ֆէյսբուքեան իր էջում գրել է քաղաքական մեկնաբան Յակոբ Բադալեանը:
«Իսկ հարցն այստեղ բացարձակապէս լոկ այն չէ, որ այդպիսով օտարւում է Հայաստանի ինքնիշխան պետական գործառոյթի որեւէ աստիճան, հետեւաբար՝ ինքնիշխանութեան որեւէ աստիճան:
Հայաստանի Հանրապետութեան միջազգայնօրէն ճանաչւած տարածքում որեւէ «երրորդ ֆունկցիոնալ կողմի» առկայութիւնը նշանակում է Հայաստանի Հանրապետութեան տարածքը դէ ֆակտօ դարձնել վիճելի:
Դա մի կնիք է, որ դրւելու է Հայաստանի այդ տարածքի վրայ եւ այն ոչ միայն չի վերանալու երբեւէ, այլ ըստ էութեան ժամանակի ընթացքում խորանալու է անխուսափելիօրէն»,- գրել է նա:
