Թուրքիան գոհ է ԱՄՆ-ում հայ-ադրբեջանական խաղաղութեան գործընթացում արձանագրւած առաջընթացից եւ այն համարում է անսովոր իրադարձութիւն
«ԱԼԻՔ» – Թուրքիայի արտգործնախարարութիւնը գրաւոր յայտարարութիւն է տարածել Ադրբեջանի եւ Հայաստանի միջեւ խաղաղութեան հաստատման գործընթացի վերաբերեալ։
Յայտարարութեան մէջ նշւած է. «Մենք գոհ ենք Ադրբեջանի եւ Հայաստանի միջեւ կայուն խաղաղութեան հաստատման գործում գրանցւած առաջընթացից եւ այսօր Վաշինգտոնում այս համատեքստում արտայայտւած քաղաքական կամքից»։
Նշւում է, որ այն ժամանակ, երբ միջազգային հակամարտութիւններն ու ճգնաժամերը գնալով սրւում են, այս քայլը չափազանց կարեւոր է տարածաշրջանային խաղաղութեան եւ կայունութեան ապահովման համար։ Այն նաեւ ընդգծում է ԱՄՆ վարչակազմին գործընթացում ունեցած ներդրման համար երախտագիտութիւնը։
Յայտարարութեան մէջ նշւում է նաեւ, որ Հարաւային Կովկասում ստեղծւել է խաղաղութեան եւ բարգաւաճման հասնելու պատմական հնարաւորութիւն, եւ աւելացւում է. «Որպէս Թուրքիա՝ մենք կը շարունակենք նպաստել այս հնարաւորութիւնն իրականացնելու ջանքերին եւ կաջակցենք եղբայրական Ադրբեջանի նւիրւած ջանքերին»։
