Պուտին. «Ալեասկայում բանակցութիւնները մեզ մօտեցնում են անհրաժեշտ լուծումներին»
«ԱԼԻՔ» – Ինչպէս աւելի վաղ յայտնել էինք, ՌԴ նախագահ Վլադիմիր Պուտինը Կրեմլում հանդիպում է անցկացրել եւ զեկուցել է իր ամերիկացի գործընկեր Դոնալդ Թրամփի հետ Ալեասկայում կայացած բանակցութիւնների արդիւնքների մասին:
Հիմնական յայտարարութիւնները ներկայացրել է ռուսական «ՌԻԱ Նովոստի»-ն:
Ալեասկա այցը ժամանակին էր եւ շատ օգտակար, Թրամփի հետ զրոյցը անկեղծ եւ բովանդակալից էր:
Առաջնորդները քննարկել են ուկրաինական ճգնաժամի արդարացի լուծումը:
Ալեասկայում հնարաւորութիւն է տրւել հանգիստ եւ մանրամասնօրէն ուրւագծել Ռուսաստանի դիրքորոշումը:
Մոսկւան, ինչպէս Վաշինգտոնը, կը ցանկանար տեսնել Ուկրաինայում ռազմական գործողութիւնների հնարաւորինս շուտ դադարեցում:
Ռուսաստանը կը ցանկանար անցնել բոլոր հարցերը խաղաղ ճանապարհով լուծելուն:
Ուկրաինայի ճգնաժամի արմատական պատճառների վերացումը պէտք է լինի կարգաւորման հիմքը:
Ալեասկայում բանակցութիւնները մեզ մօտեցնում են անհրաժեշտ լուծումներին:
Ռուսաստանը յարգում է Թրամփի վարչակազմի դիրքորոշումը Ուկրաինայում ռազմական գործողութիւնների արագ դադարեցման անհրաժեշտութեան վերաբերեալ:
Բանակցութիւնների ընթացքում կողմերը քննարկել են փոխգործակցութեան գրեթէ, բոլոր ոլորտները:
