Քամալա Հարիսը յայտնել է, որ կարող է առաջադրւել ԱՄՆ յաջորդ նախագահական ընտրութիւններում

«ԱԼԻՔ» – ԱՄՆ նախկին փոխնախագահ Քամալա Հարիսը BBC News-ի հարցազրոյցում ասել է, որ կարող է կրկին առաջադրւել Սպիտակ տան ղեկավարի պաշտօնում։

Մեծ Բրիտանիայում տւած իր առաջին հարցազրոյցում Հարիսն ասել է, որ «գուցէ» մի օր դառնայ նախագահ, եւ վստահութիւն է յայտնել, որ ապագայում Սպիտակ տան ղեկավարը կին կը լինի։

Արտայայտելով այսօրւայ դրութեամբ իր ամենավստահ ենթադրութիւնն այն մասին, որ նա կրկին կառաջադրւի 2028 թւականի նախագահի պաշտօնում՝ անցեալ տարի նախագահ Դոնալդ Թրամփին պարտւելուց յետոյ, Հարիսը մերժել է հանրային կարծիքի հարցումները, որոնք իրեն համարում են աութսայդեր՝ յաջորդ ընտրութիւններում դեմոկրատների թեկնածու դառնալու համար։

Sunday with-ի թղթակից Լորա Քուենսբերգի հետ զրոյցում Հարիսը նաեւ քննադատել է իր նախկին մրցակցին՝ Թրամփին անւանելով «բռնակալ», եւ ասել, որ քարոզարշաւի ընթացքում նրա մասին իր արած նախազգուշացումներն արդարացել են։