Տաթեւիկ Հայրապետեան. «Ադրբեջանից հնչող «խաղաղասիրական» կոչերը շարունակւում են»
«ԱԼԻՔ» – «Ադրբեջանից հնչող «խաղաղասիրական» կոչերը շարունակւում են»: Այս մասին ֆէյսբուքեան իր էջում գրել է ադրբեջանագէտ Տաթեւիկ Հայրապետեանը՝ անդրադառնալով նախօրէին ադրբեջանցի պատգամաւոր Ֆազիլ Մուստաֆայի հնչեցրած հերթական հայատեաց յայտարարութեանը:
Նա մասնաւորապէս գրել է.
«Հայատեաց կոչերով յայտնի ադրբեջանցի պատգամաւոր Ֆազիլ Մուստաֆան երկու օր առաջ իր տւած հարցազրոյցում ասել է․
«Իւրաքանչիւրը պէտք է իր ոլորտում համապատասխան քայլեր ձեռնարկի, որպէսզի մենք՝ որպէս յաղթող պետութիւն, կարողանանք յաղթանակի արդիւնքները հասցնել վերջնական մակարդակի։ Մենք պէտք է լուծենք մեզնից կախւած խնդիրները եւ այժմ նաեւ պէտք է հայկական հասարակութեանը վարժեցնենք այս իրողութեանը։ Սա 200 տարի շարունակ սխալ տեղեկատւութեամբ ձեւաւորւած հիւանդ հասարակութիւն է։ Այժմ մենք դա պէտք է փոխենք քայլ առ քայլ…»։
Հէնց երէկ հաղորդման շրջանակներում ես բացատրում էի, որ մեր հակառակորդը խնդիր է դրել փոխել ինքնութեան գիտակցման մասին մեր ընկալումները, դա արւում է գերազանցապէս ՀՀ ներկայիս կառավարութեան միջոցով»:
