«ԱԼԻՔ» – ԻՅՊԿ-ի մամլոյ ծառայութեան համաձայն, Իրանում՝ Իսրայէլի գաղտնի ծառայութիւնների հետ համագործակցող արտասահմանցի մի գործակալ է բացայայտւել եւ ձերբակալւել:
ԻՍՆԱ-ի համաձայն՝ ԻՅՊԿ-ն յայտնել է նաեւ, որ նշւած անձը համագործակցում էր Մուսադի լրտեսական բաժնի հետ եւ գործուղղւել էր Իսրայէլի միւս ահաբեկիչների հետ համադրելու նոր առաջադրանքները:
ԻՅՊԿ-ի տարածած հաղորդագրութեան մէջ մասնաւորապէս նշւած է. «Երրորդ երկրի անձնագրով Իրանի Իսլամական Հանրապետութիւն մուտք գործած նշւած անձը, ով Իսրայէլի մանկասպան ռեժիմի վերահսկողութեամբ էր գործուղղւել Իրան, նպատակաուղղւած սկսել էր տեղեկութիւնների եւ միւս գործակալների զեկոյցների հաւաքագրումը, բացայայտւել եւ յանցանշանների առկայութեամբ ձերբակալւել է գործողութեան պահին»:
