Լիլիթ Գալստեան. «Պետութիւնն իրաւունք չունի քիթը խոթի Եկեղեցու նւիրաբերման կարգի մէջ՝ ինչ ես տւել, ինչ ես ստացել, չի՛ կարելի վարկաբեկել Եկեղեցին»

«ԱԼԻՔ» – «Քաղաքացիական պայմանագիր» խմբակցութեան պատգամաւորներ Սիսակ Գաբրիէլեանը եւ Թագուհի Ղազարեանն առաջարկում են փոփոխել «Պատմութեան եւ մշակոյթի անշարժ յուշարձանների ու պատմական միջավայրի պահպանութեան եւ օգտագործման մասին» օրէնքի 37-րդ յօդւածը:

Ըստ այդմ՝ յուշարձանների պետական ցանկերում ներառւած պաշտամունքային կառոյցները հնարաւոր կը լինի ցանկացած երրորդ անձի հատուցմամբ կամ անհատոյց օտարել բացառապէս Կառավարութեան համաձայնութեան դէպքում։

Նախագծի շուրջ խորհրդարանում թէժ քննարկում ծաւալւեց։ «Հայաստան» խմբակցութեան պատգամաւորները թէ՛ նախագծի համահեղինակներին ուղղւած հարցերով,  թէ ելոյթներով  հիմնաւորեցին, որ պետութիւնն իրաւունք չունի որեւէ կերպ միջամտել Եկեղեցու նւիրաբերման  կարգին։

Yerkir.am