Տիգրան Աբրահամեան. «Այսպէս է լինում, երբ երկրի անվտանգութիւնը ստորադասւում է ադրբեջանցիների հետ իշխող վերնախաւի եղբայրութեանը»
Առաջնագիծը, ամրաշինական կառոյցները բաց են միայն իշխանական քարոզչութեան եւ ադրբեջանցիների համար։
Գրել է ԱԺ «Պատիւ ունեմ» խմբակցութեան քարտուղար Տիգրան Աբրահամեանը։
«ՊՆ-ն իր «հրապարակայնութիւնը» փաստօրէն միայն դրսի՝ ՀՀ-ի դէմ թշնամաբար տրամադրւած երկրների համար է արտայայտում։
Առաջնագիծը, այնտեղ տարւող ծառայութիւնը, ամրաշինական կառոյցները, զօրամասային կեանքը բաց են միայն իշխանական քարոզչութեան եւ ադրբեջանցիների համար։
Իսկ երբ ընդդիմադիր պատգամաւորներն են փորձում այդ մասին իմանալ կամ տեսնել, դա դառնում է արհեստական քաշքշուկների, ներքին վախերի եւ անպատասխանատւութեան դրսեւորում։
Այսպէս է լինում, երբ երկրի անվտանգութիւնը ստորադասւում է ադրբեջանցիների հետ իշխող վերնախաւի եղբայրութեանը։
Առաւել եւս՝ այսպէս է լինում, երբ ընտրութիւնը կեանքի ու մահւան պայքարի է վերածւում, իսկ պետական շահը ստորադասւում է ռեժիմի նեղ թիմային առաջնահերթութիւններին»։
Այս մասին հաղորդել է 168.am-ը:
