«ՀԵԶԲՕԼԼԱՀ»-ը պաշտօնապէս Իսրայէլի դէմ պատերազմ է յայտարարել
«ԱԼԻՔ» – Լիբանանի «Դիմադրութեան շարժումը» յայտարարութեամբ տեղեկացրել է ռազմական գործողութեան մասին՝ ուղղւած Պաղեստինը բռնազաւթած ռեժիմին:
«Թասնիմ»-ի հաղորդմամբ, Լիբանանի «իսլամական դիմադրութիւնը» հրթիռային եւ ԱԹՍ-ի հարւածներով թիրախաւորել է Հայֆայի հարաւում գտնւող ռազմական կենտրոնը։
«ՀԵԶԲՕԼԼԱՀ»-ը պաշտօնապէս յայտարարել է, որ «Դիմադրութիւնը», ի վրէժ գերագոյն առաջնորդի՝ Իմամ Սէյէդ Ալի Խամենէիի արեան, Լիբանանի եւ նրա ժողովրդի պաշտպանութեան, ինչպէս նաեւ սիոնիստական ռեժիմի շարունակական ոտնձգութիւններին պատասխանելու նպատակով, իր հրթիռային յարձակումների թիրախ է դարձրել հակառակորդի բանակին պատկանող Միշմար ալ-Քարմել հրթիռային կայանը՝ Հայֆայի հարաւում։
«ՀԵԶԲՕԼԼԱՀ»-ը յատկապէս ընդգծել է. «Դիմադրութեան ղեկավարները ընդգծել են, որ Իսրայէլի ռեժիմի շարունակական ոտնձգութիւնները եւ մեր ղեկավարների, երիտասարդների ու ժողովրդի սպանդը ը մեզ իրաւունք է տալիս ժամանակին պաշտպանւել եւ պատասխանել պատշաճ միջոցներով»։
Յայտարարութեան մէջ ասւած է. «Իսրայէլի ռեժիմը չի կարող շարունակել իր լայնածաւալ յանցագործութիւններն առանց ստանալու արժանի պատասխան: Այդ ոտնձգութիւնները դադարեցնելու եւ Լիբանանի գրաւեալ տարածքներից հետ քաշւելու համար այն պէտք ստանայ համապատասխան հարւած: Այս պատասխանը օրինական պաշտպանական արձագանք է, եւ յանցագործները պէտք է դադարեցնեն իսրայէլա-ամերիկեան ոտնձգութիւնները Լիբանանի դէմ»։
