Բուրգենշտոկը՝ Իրան-ԱՄՆ փոխըմբռնման առաջին փորձաքարը
«Մինաբ 168» իրանական պատւիրակութիւնը մեկնել է Շւէյցարիա
«ԱԼԻՔ» – Իրանի «Մինաբ 168» պատւիրակութիւնը՝ երէկ՝ յունիսի 20-ին, մեկնեց Ցիւրիխ։
Պատւիրակութեան կազմում են՝ Ղալիբաֆը, Արաղչին, Բաղերին, Հեմմաթին, Իրանի Նաւթի ազգային ընկերութեան նախագահը, ինչպէս նաեւ Ղարիբաբադին, Բաղային եւ այլ բարձրաստիճան պաշտօնեաներ։
Շւէյցարիայի Բուրգենշտոկ հիւրանոցը ժամեր անց կը հիւրընկալի Իրանի եւ ԱՄՆ-ի բարձրաստիճան պատւիրակութիւնների առաջին հանդիպումը՝ Իսլամաբադի փոխըմբռնման յուշագրի ստորագրումից յետոյ։
Իրանական պատւիրակութիւնը, գլխաւորութեամբ Մոհամմադ Բաղեր Ղալիբաֆի, Շւէյցարիա է ժամանել՝ պահանջելով ամերիկեան կողմից ստանձնած պարտաւորութիւնների գործնական իրականացում։ Թեհրանը շեշտում է, որ վերջնական համաձայնութեան շուրջ բանակցութիւնների անցումը պայմանաւորւած է նախնական պարտաւորութիւնների լիարժէք կատարմամբ։
Հանդիպման առանցքային թեմաներից են պատժամիջոցների ազդեցութեան նւազեցումը, տարածաշրջանային անվտանգութիւնը եւ յատկապէս Լիբանանում հրադադարի պահպանումը։
Բուրգենշտոկի բանակցութիւնները դիտարկւում են որպէս առաջին իրական փորձաքար՝ գնահատելու Վաշինգտոնի քաղաքական կամքն ու պատրաստակամութիւնը՝ պահպանելու Իսլամաբադում ձեռք բերւած պայմանաւորւածութիւնները։
