ՄիջազգայինՔաղաքական

Կովկասի ժառանգութեանն ու ինքնութեանը նւիրւած միջազգային գիտական նոր հանդէս է հիմնադրւել

Հրապարակւել է «Caucasus Heritage and Identity Studies» (CHIS) միջազգային, գրախօսւող գիտական էլեկտրոնային հանդէսի առաջին համարը։

Նորաստեղծ հանդէսը նւիրւած է կովկասեան տարածաշրջանի պատմական, մշակութային եւ հոգեւոր ժառանգութեան, ինքնութեան ու տարածաշրջանային գործընթացների բազմակողմանի եւ միջգիտակարգային ուսումնասիրութեանը։

Հանդէսը հրատարակւում է International Association for Caucasus Heritage and Identity Studies (IACHIS) միջազգային ասոցիացիայի կողմից՝ «Գեղարդ» գիտավերլուծական հիմնադրամի նախաձեռնութեամբ եւ պլատֆորմի վրայ։

«CHIS»-ի նպատակն է միջազգային գիտական շրջանակներում ներկայացնել Կովկասի ժառանգութեանն ու ինքնութեանը վերաբերող նոր հետազօտութիւններ, ինչպէս նաեւ` ձեւաւորել տարբեր երկրների գիտնականների համագործակցութեան եւ գիտական երկխօսութեան հարթակ։

Առաջին համարում ընդգրկւած ուսումնասիրութիւններն անդրադառնում են Կովկասի պատմութեան, հնագիտութեան, մշակոյթի, կրօնի, ինքնութեան եւ պատմամշակութային ժառանգութեան պահպանութեանն առնչւող հարցերին։ Հանդէսի միջգիտակարգային բնոյթը հնարաւորութիւն է տալիս տարածաշրջանի խնդիրները դիտարկել ոչ միայն պատմագիտական, այլեւ՝ մշակութաբանական, կրօնագիտական, հնագիտական եւ այլ գիտակարգերի տեսանկիւնից։

«CHIS»-ի հրապարակումը կարեւոր քայլ է Կովկասի ժառանգութեան եւ ինքնութեան վերաբերեալ միջազգային ակադեմիական հետազօտութիւնների զարգացման ուղղութեամբ։ Հանդէսի առաջին համարի հրատարակութեամբ «Caucasus Heritage and Identity Studies»-ը մեկնարկում է որպէս Կովկասագիտութեան ոլորտում միջազգային գիտական նոր հարթակ՝ նախատեսւած տարածաշրջանի պատմութեան, մշակոյթի եւ ինքնութեան հարցերի ուսումնասիրութեամբ հետաքրքրւած գիտական հանրութեան համար։

«Գեղարդ» գիտավերլուծական հիմնադրամը շնորհակալութիւն է յայտնում պարբերականի խմբագրակազմում ընդգրկւած արտասահմանեան գործընկերներին եւ շնորհաւորում նրանց եւ յօդւածների հեղինակներին՝ առաջին համարի լոյս տեսնելու կապակցութեամբ։

Related Articles

Back to top button