«Մայր եկեղեցու եւ հանրութեան մտահոգութիւններն անտեսւել են». «Հայաստան» եւ «Պատիւ ունեմ» խմբակցութիւններ

«Հայաստան» եւ «Պատիւ ունեմ» խմբակցութիւնները դէմ են քւէարկել «Ընտանիքում բռնութեան կանխարգելման, ընտանիքում բռնութեան ենթարկւած անձանց պաշտպանութեան եւ ընտանիքում համերաշխութեան վերականգնման մասին» օրէնքում փոփոխութիւններ եւ լրացումներ կատարելու մասին նախագիծը երկրորդ ընթերցմամբ եւ ամբողջութեամբ ընդունելու հարցին։

«Հայաստան» խմբակցութեան պատգամաւոր Արծւիկ Մինասեանն ասել է. «Մեր խմբակցութեան համար անընդունելի եւ դատապարտելի է այս նախագծի երկրորդ ընթերցմամբ ներկայացւած տարբերակը, ինչպէս անընդունելի էր առաջին տարբերակը։ Մենք ներկայացրել էինք առաջարկութիւն, որպէսզի շտկւի, եւ այն մտահոգութիւնները, որոնք կային հանրութեան մէջ, այդ թւում՝ նաեւ Հայ առաքելական եկեղեցու կողմից բարձրացւած, անտեսւել են, արհամարհւել են։ Հետեւաբար, մեր խմբակցութիւնը դատապարտելով, դէմ է քւէարկում այս նախագծին»,-ասել է Արծւիկ Մինասեանը։

Յիշեցնենք, որ նախագծով սեռական տարբեր կողմնորոշմամբ զուգընկերութիւնը հաւասարեցւում է ընտանիքին։